"Bu qarşılaşmada meydana çıxıb qələbə qazanmalıyıq".

Prosport.Az xəbər verir ki, bu sözləri Almaniyaniyanın "Ayntraxt" komandasının futbolçusu Robin Kox mətbuat konfransında deyib.

29 yaşlı müdafiəçi Bakıda "Qarabağ"a qarşı keçirəcəkləri UEFA Çempionlar Liqasının əsas mərhələsinin VII tur matçı ilə bağlı fikirlərini bölüşüb: "Hazırda çətin dövrdən keçirik. Mövsümün ortasında baş məşqçi dəyişikliyi olsa da, irəli baxmalıyıq. Bəzən səfər oyunlarında səhv qərarlar veririk. Sabahkı görüşdə azarkeşlərimiz olmayacaq. Bu, mənfi haldır. Onlar hər zaman bizi yaxşı dəstəkləyirlər".

Xatırladaq ki, "Qarabağ" - "Ayntraxt" matçı yanvarın 21-də, saat 21:45-də Tofiq Bəhramov adına Respublika stadionunda keçiriləcək.