UEFA Çempionlar Liqasının VII turunda “Qarabağ”ın rəqibi olan “Ayntraxt” bu gün Bakıya gəlir.

Prosport.Az xəbər verir ki, Frankfurt təmsilçisinin rəsmi açıqlamasında deyilir:

"Qartallar"ı UEFA Çempionlar Liqasının cari mövsümündə ən uzun səfər (təqribən 5 saata yaxın) gözləyir.

Çərşənbə axşamı komandanın təyyarəsi Azərbaycan istiqamətində havaya qalxacaq”.

Bu gün yerli vaxtla saat 10:30-da (Bakı vaxtı ilə 12:30) “Ayntraxt” oyun üçün son məşqini keçirəcək. Saat 12:15-də müvəqqəti baş məşqçi Dennis Şmitt və komandanın kapitanı Robin Kox mətbuat konfransında iştirak edəcəklər.

Günün 2-ci yarısı isə komanda Bakıya uçacaq.

“Qarabağ” - “Ayntraxt” matçı sabah Bakı vaxtı ilə saat 21:45-də Tofiq Bəhramov adına Respublika stadionunda başlanacaq.