FIFA milli komandaların növbəti reytinq cədvəlini açıqlayıb.

Prosport.Az xəbər verir ki, 127-ci pillədə yer alan Azərbaycan yığmasının mövqeyi dəyişməz olaraq qalıb.

Bununla yanaşı, siyahıda bir sıra maraqlı dəyişikliklər də baş verib. Afrika Millətlər Kubokuna ev sahibliyi edən Mərakeş millisi finalda məğlub olmasına baxmayaraq 3 pillə irəliləyərək 11-ci yerdən 8-ci sıraya yüksəlib və ilk "10-luğ"a daxil olub.

Siyahıya İspaniya millisi başçılıq edir. İlk "10-luq"da digər yerləri müvafiq olaraq Argentina, Fransa, İngiltərə, Braziliya, Portuqaliya, Niderland, Mərakeş, Belçika və Almaniya tutur.

Xorvatiya yığması mövqeyini itirərək 11-ci sıraya geriləyib. Afrika çempionu Seneqal millisi isə 7 pilləlik sıçrayışla 12-ci yerə yüksəlib.

Qeyd edək ki, FIFA reytinq cədvəlini növbəti dəfə aprelin 1-də yeniləyəcək.