UEFA Çempionlar Liqasında "Qarabağ"ın rəqibi “Liverpul” yaxın vaxtlarda Arne Slotu baş məşqçi postundan uzaqlaşdırmağı planlaşdırmır.

Prosport.Az xəbər verir ki, İngiltərə klubunun rəhbərliyi cari mövsümdəki uğursuz nəticələrə baxmayaraq, 47 yaşlı niderlandlı mütəxəssisə dəstəyini davam etdirir.

“Qırmızılar” mövsümün gedişində baş məşqçi dəyişikliyinə gedən “Mançester Yunayted” və “Çelsi”nin yolunu tutmaq niyyətində deyil. Belədə, Arne Slot üçün mövsümün minimum hədəfi Çempionlar Liqasının növbəti mərhələsinə vəsiqə qazanmaqdır.

Həmçinin, hazırda baş məşqçi dəyişikliyini üçün alternativ tapılmır. 2004–2009-cu illərdə “Liverpul”un formasını geyinmiş, bu yaxınlarda "Real Madrid"dən ayrılan Xabi Alonsonun da namizədliyi real görünmür.

Qeyd edək ki, “Liverpul” UEFA Çempionlar Liqasının VIII turunda yanvarın 28-də "Qarabağ"la qarşılaşacaq.