Qazaxıstanın "Jenis” klubunun müdafiəçisi Matiya Rom karyerasını Azərbaycanda davam etdirə bilər. 

Prosport.Az xəbər verir ki, bu barədə onun meneceri Adriyan Mlinar məlumat verib.

Vesti.kz saytına açıqlama verən Mlinar sloveniyalı futbolçunun Azərbaycana mümkün transferi ilə bağlı bunları deyib:

"Jenis"ə qayıtmayacaq. Yəqin ki, Azərbaycandakı klublardan biri ilə razılığa gələcəyik. Hansı klubla? Bunu təxmin etmək asandır. "Qarabağ", yoxsa "Neftçi"? Xeyr, təəssüf ki, heç biri. Amma təxmin etmək asandır”.

Qeyd edək ki, Sloveniyanın U-15-U-21 yığmalarının sabiq üzvü olan sağ cinah müdafiəçisi “Domjale”, “İnter” (Zapreşiç, Xorvatiya), “Kolos” (Ukrayna), “Şibenik” (Xorvatiya), “Telavi” (Gürcüstan) klublarında da oynayıb.