"Şəfa"nın sponsorları gözlənilməz qərar verib.

Prosport.Az sportinfo.az-a istinadən xəbər verir ki, onların əmri ilə Əfran İsmayılov klubun idarəçiliyindən uzaqlaşdırılıb.

Sonuncu 2 ilə yaxın idi ki, burada prezident Sərdar Sərdərzadənin müşaviri vəzifəsini tuturdu. Son qərarla artıq onun paytaxt təmsilçisi ilə heç bir bağlılığı qalmayıb.

O, burada mütləqi-hakimiyyət idi. Böyük səlahiyyətlər daşıyırdı. Sözünün qarşısında söz deyilmirdi.

Odur ki, bu ayrılıq təəccüb doğurmaya bilməz. Güman ki, qərarın arxasında mühüm səbəblər dayanır.

"Şəfa" I Liqada uğurlu mövsüm keçirir. Komanda debütantı olduğu çempionatın 12 turundan sonra 30 xal toplayıb.

Elgiz Kərəmlinin çalışdırdığı kollektiv bu göstərici ilə turnir cədvəlinin 1-ci pilləsindədir. Onlar ən yaxın izləyicisi olan "Baku Sportinq"i 5 xal qabaqlayır.