"Bugünkü oyun daha çox məlumat xarakterli idi və nəticə vacib deyildi".

Prosport.Az xəbər verir ki, bu sözləri "Araz-Naxçıvan"ın baş məşqçisi Andrey Demçenko "Qəbələ"yə 0:1 hesabı ilə uduzduqları yoxlama oyunundan sonra deyib.

Ukraynalı mütəxəssis bildirib ki, son 3 gün ərzində yükləmə çox olduğuna görə, futbolçular yorğunluq fonunda meydana çıxmışdı: "Uşaqların verdiyimiz tapşırıqları nə dərəcə icra edə bildiklərinə diqqət yetirdik. Keyfiyyətə önəm verdiyimiz üçün uşaqlara da dedim ki, məğlubiyyətə gorə üzülməyin. Gələcəkdə daha yaxşı oynamaq, irəli getmək üçün edəcəklərimizi öyrənirik".