“Qəbələ” qış fasiləsinin 3-cü legioner transferini bitirib.

Prosport.Az sportinfo.az-a istinadən xəbər verir ki, bölgə təmsilçisi Kot d`İvuarın U-23 millisinin futbolçusu Yannik Adyumani ilə güclənib.

Müdafiənin sol cinahında çıxış edən afrikalı ilə 6 aylıq müqavilə imzalanıb. Komanda Premyer Liqada qalarsa, onunla kontrakt daha 1 il müddətinə uzadılacaq.

Yannik Adyumani  son olaraq İsveçdə “Östersund”un formasını geyinib. 23 yaşlı oyunçu Azərbaycana gəlmək üçün klubu ilə müddəti ilin sonunda bitəcək sözləşməsini pozub.

Ölkəsində “ASEC Mimosas”ın yetirməsi olan Adyumani İsveçdə “Hekken”in də şərəfini qoruyub.

”Qəbələ” ondan əvvəl seneqallı müdafiəçi Seydina Keyta və nigeriyalı hücumçu İsmael Akinade ilə anlaşıb.