Azərbaycan milli komandasının hücumçusu Renat Dadaşov çıxılmaz vəziyyətdə qalıb.

Prosport.Az sportal.az saytına istinadən xəbər verir ki, "Motor"un bu qış yollarını ayırmaq istədiyi futbolçu özünə komanda tapa bilmir.

Meneceri onu bir neçə kluba təklif etsə də, heç kim forvardla müqavilə imzalamağa müsbət yanaşmayıb.

Bəzi klublar onun transferində maraqlı olmayıb, digərləri isə maaş məsələsini problem kimi göstərərək təklifdən imtina edib.

"Motor" isə millimizin forvardına əsas komandada məşq etmək üçün icazə verib. Lakin ona vaxt veriblər ki, özünə komanda tapsın. Çünki klub futbolçuya etimad göstərmir və Dadaşovun əvəzinə başqa hücumçu almaq niyyətindədir.

Renat Dadaşov ən yaxşı halda onunla maraqlanan klublardan birinə icarəyə göndərilə bilər. Futbolçunun "Motor"la 2026-cı il in yayına qədər müqaviləsi var.