"Qış hazırlığımız yaxşı keçir. Mən və komanda yoldaşlarım məşqlərdə səylə çalışırıq".

Prosport.Az xəbər verir ki, bu sözləri "Karvan-Yevlax"ın kapitanı Araz Abdullayev klubun mətbuat xidmətinə açıqlamasında deyib.

Futbolçu gündə 2 dəfə olmaqla hazırlıqlarının davam etdiyini bildirib: "Baş məşqçimiz Füzuli Məmmədovun məşqlərdə verdiyi tapşırıqları layiqincə yerinə yetirməyə çalışırıq. Düşünürəm ki, "Sabah"la çempionat oyununa qədər tam hazır olacağıq. Əsas fikrimiz sonuncu pillədəki mövqeyimizi tərk edib, yuxarı sıraya yüksəlməkdir. Düşünürəm ki, bunu biz komanda olaraq bacaracağıq".

Qeyd edək ki, "Karvan-Yevlax" yoxlama oyununda, yanvarın 17-də Yevlaxda "Kəpəz"lə qarşılaşacaq.