Azərbaycan Premyer Liqasında çıxış edən "Sabah" və "Şamaxı" komandaları bu gün yoxlama oyununda üz-üzə gəlib.

Prosport.Az xəbər verir ki, matç "Bank Respublika Arena"da keçirilib.

Qarşılaşma Bakı təmsilçisinin qələbəsi ilə yekunlaşıb – 2:0. Qolları nigeriyalılar – Cesi Sekidika və "Sabah" Akademiyasından çıxmış, hazırda əvəzedici komandanın üzvü olan Stefen Ende vurub. Bu, Endenin "Sabah"ın əsas komandasında ilk qolu olub.

Qeyd edək ki, "Sabah" 16 turdan sonra 37 xalla çempionatda liderdir. "Şamaxı" 20 xalla 7-ci pillədə qərarlaşıb.