"Oyunçular belə matçlara necə köklənməli olduqlarını anlamalıdırlar. Rəqib çox güclüdür. Lakin bu cür oyunlar bizə təcrübə baxımından fayda verir".

Prosport.Az xəbər verir ki, NTD-nin baş məşqçisi Tahir Baxşıyev Azərbaycan Basketbol Liqasının XII turunda "Sabah"a 76:121 hesabı ilə məğlub olduqları oyundan sonra deyib.

O, belə matçların komandaya fayda verdiyini bildirib: "4 gün sonra bizi "Sumqayıt"la kubok oyunu gözləyir. Məhz buna görə bu görüşdə 25 dəqiqədən çox 2 yerli oyunçu ilə çıxış etdik. Hazırda bütün fikirlərimiz kubok oyununa yönəlib".