“Qarabağ” hazırda Avropa klublarının formasını geyinən 3 hücumçu ilə danışıqlar aparır.

Prosport.Az sportinfo.az-a istinadən xəbər verir ki, Qurban Qurbanov onlardan, heç olmasa, birini yaxın günlərdə Azərbaycanda görmək istəyir. Baş məşqçi mövsümün 2-ci hissəsinin daha gərgin keçəcəyini təxmin etdiyindən, yalnız Nəriman Axundzadə ilə Kamilo Duranın ümidinə qalmaq niyyətində deyil.

Qarşıdan Çempionlar Liqasının əsas mərhələsinin son 2 oyunu gəlir. “Köhlən atlar” evdə Almaniya “Ayntraxt”ı ilə üz-üzə gələcək, ardınca İngiltərədə “Liverpul”un önünə çıxacaq. İştirak ərizəsinə yeni oyunçuların daxil edilməsi artıq mümkün deyil.

Ancaq ölkədaxili yarışlar üçün belə bir icazə var. Odur ki, təcrübəli mütəxəssis ehtiyatı əldən vermək fikrindən uzaqdır.