"Neftçi" ulduz futbolçusu Vensan Abubakarla yollarını ayırmağa hazırlaşır.

Prosport.Az teleqraf.az-a istinadən xəbər verir ki, paytaxt təmsilçisi kamerunlu hücumçunun mövsümün sonunda başa çatacaq müqaviləsinin uzadılması seçimini aktivləşdirməyəcək.

33 yaşlı oyunçu "ağ-qaralar"ın yeni baş məşqçisi Yuri Vernidubun planlarına daxil deyil.

Abubakar Braziliyanın "Vasko da Qama" klubunun maraq dairəsinə düşüb. Lakin tanınmış futbolçu karyerasını Avropada davam etdirmək niyyətindədir.

Qeyd edək ki, Vensan Abubakar 2025-ci ilin oktyabrında "Neftçi"yə keçib. O, meydana çıxdığı 10 oyunda 5 qol və 1 məhsuldar ötürmə müəllifi olub.