“Qarabağ” İsveçin “Myallbü” klubunun mərkəz müdafiəçisi Abdullah İqbalın transferində israrını davam etdirir.

Prosport.Az Pakistan mətbuatına istinadən xəbər verir ki, Azərbaycan çempionu 23 yaşlı futbolçu üçün klubu ilə danışıqları davam etdirir.

Lakin Ağdam təmsilçisi bu mübarizədə tək deyil. Belçikanın “Gent” və Macarıstanın “Ferensvaroş” klubları da İqballa maraqlanır. Buna baxmayaraq, Pakistan mətbuatı milli komandanın aparıcı oyunçusunun “Qarabağ”a bir addım yaxın olduğunu yazıb.

Bunda Azərbaycan çempionunun UEFA Çempionlar Liqasının Liqa mərhələsində iştirak etməsi də mühüm rol oynayır. Abdullah İqbalın transfer dəyəri 2 milyon avroya bərabər göstərilir.

Qeyd edək ki, Abdullah İqbalın “Myallbü” ilə müqavilə müddəti 2028-ci ilin sonuna qədərdir.