Yunanıstanın AEK komandası Macarıstan millisinin futbolçusu Barnabaş Varqanı transfer edib.

Prosport.Az xəbər verir ki, 32 yaşlı hücumçu ilə 2029-cu ilə qədər müqavilə imzalanıb.

Futbolçu son olaraq Macarıstanda "Ferensvaroş"un formasını geyinib, cari mövsüm ölkə çempionatında 17 matçda 10 qol vurub və 4 məhsuldar ötürmə ilə yadda qalıb.

Bundan əlavə, Varqa UEFA Çempionlar Liqasında 6 görüşdə 6 qol, Avropa Liqasında isə 6 qarşılaşmada 4 qolla diqqət mərkəzinə düşüb.

Qeyd edək ki, Barnabaş Varqa ÇL-də 6 qoldan 2-ni pley-off mərhələsində "Qarabağ"a qarşı keçirilən oyunlarda vurub.