Mərakeşin ev sahibi olduğu Afrika Millətlər Kubokunda 1/8 final mərhələsinin daha 1 oyunu keçirilib.

Prosport.Az xəbər verir ki, Nigeriya millisi Mozambiki 4 cavabsız qolla məğlub edib. Bununla da Mozambik yığması turnirlə vidalaşıb. Nigeriya isə 1/4 finala adlayıb.

Görüşün iştirakçıları arasında “Zirə”nin yarımmüdafiəçisi Rikardo Martines Gima da olub. Mozambik yığmasının start heyətində yer alan yarımmüdafiəçi 90 dəqiqə meydanda olub.

Qeyd edək ki, daha əvvəl “Neftçi”nin futbolçusu Sessi D`Almeyda və “Sumqayıt”ın müdafiəçisi Abdul Raşid Mumininin formasını geyindiyi Benin seçməsi Misirə 1:3, “Şamaxı”nın futbolçusu Alfons Msanqanın şərəfini qoruduğu Tanzaniya isə Mərakeşə 0:1 hesabı ilə uduzaraq turnirlə vidalaşıb.