Afrika Millətlər Kubokunda 1/8 final mərhələsinin daha bir görüşü Misir və Benin yığmaları arasında keçirilib.

Prosport.Az xəbər verir ki, qarşılaşmanın əsas vaxtı 1:1 hesablı heç-heçə ilə yekunlaşıb.

Hesabı 45+3-cü dəqiqədə Ahmed Fatuh açıb. 83-cü dəqiqədə beninli oyunçu Jodel Dossu bərabərlik qolunu vuraraq, görüşü əlavə vaxta daşıyıb.

97-ci dəqiqədə Yasser İbrahim Misir millisini yenidən irəli çıxarıb. 120+4-cü dəqiqədə isə Məhəmməd Salah yekun nəticəni müəyyənləşdirib - 3:1. 

Bu görüşdə Benin yığmasının heyətində "Neftçi"nin yarımmüdafiəçisi Sessi D`Almeyda start heyətində meydana çıxıb və 77-ci dəqiqədə əvəzlənib.

Qeyd edək ki, Misir millisi 1/4 finalda Nigeriya - Mozambik görüşünün qalibi ilə qarşılaşacaq.