"Sabah" müdafiəçi Boyan Letiçlə yollarını ayırıb.

Prosport.Az xəbər verir ki, futbolçu ilə müqaviləyə qarşılıqlı razılıq əsasında xitam verilib.

Bosniya və herseqovinalı oyunçu 2022-ci ilin fevralından "Sabah"ın üzvü idi. O, "bayquşlar"ın heyətində ümumilikdə 125 oyun keçirib.

Letiç "Sabah"ın tarixində önəmli rol oynamış futbolçulardandır. 33 yaşlı müdafiəçi komandanın tarixi ərzində ən çox oyun keçirmiş 2-ci oyunçu olmaqla yanaşı, həm də "Sabah"ın avrokuboklarda ilk qolunun müəllifidir.

Boyan Letiç "Sabah"ın heyətində Premyer Liqanın gümüş və bürünc medallarını qazanıb, Azərbaycan Kubokunun qalibi olub.