Azərbaycan millisinin futbolçusu Ozan Can Kökçünün atası oyunçunun adının Türkiyənin "Beşiktaş" klubu ilə hallanmasına münasibət bildirib.

Prosport.Az xəbər verir ki, Halil Kökçü jurnalist Murat Özenə açıqlamasında yazılanların həqiqətə uyğun olmadığını söyləyib.

H.Kökçü övladının Niderland klubu ilə müqaviləsinin olduğunu xatırladıb: "Ozan Can Kökçü "Volendam"ın futbolçusudur. "Beşiktaş" ilə Ozan haqqında heç bir danışıq olmayıb. Yayılan xəbərlər əsassızdır".

Qeyd edək ki, Ozan Can Kökçünün qardaşı Orkun Kökçü "Beşiktaş"da çıxış edir.