Azərbaycan yığmasının və "Neftçi"nin qapıçısı Rza Cəfərova rəsmi təklif gəlib.

Prosport.Az sportinfo.az-a istinadən xəbər verir ki, HIK onu Finlandiyada görmək istəyir.

Paytaxt Helsinkini təmsil edən klub gənc qolkiperi 6 aylıq icarəyə götürmək niyyəti ilə "ağ-qaralar"la əlaqə saxlayıb.

Finlər növbəti mövsümdən etibarən 23 yaşlı "əlcək sahibi"nin transfer hüququna yiyələnməyi planlaşdırır. Bunun üçün "Neftçi"nin tələb edəcəyi təzminatın məbləğini dəqiqləşdirməyə çalışırlar.

HIK Rzanın özünü maddi cəhətdən razı salacaq şərtlər irəli sürüb, qalıb məxsus olduğu klubla dil tapmaq. Danışıqların baş tutub-tutmayacağı isə qarşıdakı 3-4 gün ərzində bilinəcək.