“Neftçi” və Benin milli komandasının yarımmüdafiəçisi Sessi D`Almeyda Afrika Millətlər Kubokunda bu gün Misirlə keçiriləcək 1/8 final matçında iştirak edə biləcək.

Prosport.Az xəbər verir ki, bu barədə millinin baş məşqçisi Qernot Ror açıqlama verib. 

Xatırladaq ki, D`Almeyda Botsvana ilə (1:0) görüşdə yüngül zədə alıb və Seneqala (0:3) qarşı matçı buraxıb.

Afrika Millətlər Kubokunun 1/8 final mərhələsinin Misir - Benin görüşü Bakı vaxtı ilə saat  20:00-da start götürəcək.