Polşanın “Motor” klubu azərbaycanlı futbolçusu Renat Dadaşovun yerinə hücumçu axtarışına başlayıb.

Prosport.Az yerli mətbuata istinadən xəbər verir ki, Lublin təmsilçisi yenicə “Qornik”dən ayrılan Luka Zahoviçə elçi düşüb.

Polşalılar Sloveniya millisinin üzvü ilə danışıqlara başlayıb. Onun keçidi Dadaşovun komandadan ayrılmasını sürətləndirə bilər.

Yeri gəlmişkən, “Motor” sabahdan qış təlim-məşq toplanışına başlayacaq. 5 gün ölkə daxilində hazırlıq keçəcək komanda yanvarın 10-da toplanışın 2-ci mərhələsi üçün Türkiyəyə yollanacaq. Millimizin üzvünün komandadakı taleyi qeyri-müəyyən olaraq qalır. Transferə çıxarılan forvardın Türkiyə hazırlığında iştirak edib-etməyəcəyi barədə daha sonra qərar veriləcək.

Qeyd edək ki, Renat Dadaşovun “Motor”la müqavilə müddəti bu ilin yayına qədərdir.