"Sabah" müqavilə ilə Rusiya təmsilçisi "Rubin"ə məxsus olan özbəkistanlı futbolçu Umarali Raxmonaliyevin transfer hüququnu əldə edəcək.

Prosport.Az Rusiya mətbuatına istinadən xəbər verir ki, 22 yaşlı yarımmüdafiəçi hazırda icarə əsasında Bakı klubunda çıxış edir.

U.Raxmonaliyev 2025-ci ildə "Sabah"da 36 oyun keçirib, 3 qol vurub və 6 məhsuldar ötürmə edib.

Qeyd edək ki, onun Kazan klubu ilə müqaviləsinin müddəti 2026-cı ilin yayına qədərdir. "Transfermarkt" Raxmonaliyevi 800 min avro dəyərində qiymətləndirir.