Veysəl Rzayevi “Turan Tovuz“dan sıralarına qatan “Kəpəz”in Rüfət Abdullazadə ilə danışıq aparması məlumdur.

Prosport.Az sportinfo.az-a istinadən xəbər verir ki, Gəncə təmsilçisi ötən ilin yayından Xorvatiyada “Varajdin”in formasını geyinən yarımmüdafiəçini icarəyə götürmək istəyir.

Balkan klubu azərbaycanlı legioneri ilə 6 aylıq vidalaşmağa hazırdır. İndi burada əsas məsələ “Sumqayıt“ın yetirməsinin özünü maddi cəhətdən razı salmaqdır.

Cari mövsüm Xorvatiya təmsilçisində 10 oyun keçirən, 1 qol vuran və 2 assist edən millimizin üzvünün maaş tələbi ilə “Kəpəz“in təklif etdiyi məbləğ arasında ciddi fərq mövcuddur.

Tərəflər hələlik bu mövzuda ortaq məxrəcə gələ bilmir.