Afrika Millətlər Kubokunda qrup mərhələsinə yekun vurulub.

Prosport.Az xəbər verir ki, “Zirə”nin legioneri Rikardo Qimaraynşın (Qima) şərəfini qoruduğu Mozambik yığması Kamerunla qarşılaşıb.

Mozambik millisi bu görüşdə rəqibinə 1:2 uduzsa da, ən yaxşı 3-cü kimi pley-off mərhələsinə vəsiqə qazanıb. Qima bu matçda meydançaya çıxmayıb.

Qeyd edək ki, Mozambik millisi Mərakeşdə keçirilən Afrika Millətlər Kubokunun qrup mərhələsində Fil Dişi Sahilinə 0:1 uduzmuş, Qabona 3:2 qalib gəlmişdi. Mozambik yanvarın 5-də bütün görüşlərdə qalib gəlmiş C qrupunun lideri Nigeriya ilə 1/8 final matçında qarşılaşacaq.