"Neftçi"nin sabiq baş məşqçisi Arif Əsədov yeni yaradılacaq U-20 yığmasını çalışdırmayacaq.

Prosport.Az xəbər verir ki, bu barədə sportinfo.az AFFA-dan məlumat əldə edib.

Federasiyadan daxil olan informasiyaya görə, adıçəkilən mütəxəssisin namizədliyi artıq müzakirədən çıxarılıb. Hələlik səbəb açıqlanmır.

Əsədovun məşqçi kimi son iş yeri ölkənin əsas millisi olub. Fernandu Santuş 2024-cü ilin iyununda komandanın baş məşqçi postuna təyinat alan kimi onunla vidalaşıb.

Qeyd edək ki, FIFA-nın İcraiyyə Komitəsinin bu ilin oktyabrında verdiyi qərara əsasən, Azərbaycan və Özbəkistan 2027-ci ildə keçiriləcək 20 yaşadək futbolçulardan ibarət milli komandalar arasında dünya çempionatının final mərhələsinə birgə ev sahibliyi edəcəklər.