21 yaşadək futbolçulardan ibarət Azərbaycan millisinin baş məşqçisi Rəşad Eyubov korpusunu genişləndirib.

Prosport.Az sportinfo.az-a istinadla xəbər verir ki, oktyabrda komandanın sükanı arxasına keçən çalışdırıcı özünə yeni köməkçi götürüb.

Bu, hazırda "Neftçi"də çalışan Rəşad Hüseynovdur. O, paytaxt təmsilçisinin 17 yaşlılarının baş məşqçisidir. Son bir neçə ilini "ağ-qaralar"a həsr edən Hüseynov 2026-ci ildən etibarən U-21 millisində tər tökəcək.

R.Eyubov adaşı ilə "Sabah"dan tanışdır. Vaxtilə "bayquşlar"ın akademiyasında bir yerdə işləyiblər.