“Qəbələ”nin də maraq dairəsində olan Roman Qriqorçuk sabiq komandasının “sükanı arxasına” keçməyə razılıq verib.

Prosport.Az Ukrayna mətbuatına istinadən xəbər verir ki, 60 yaşlı mütəxəssis “qırmızı-qaralar”a deyil, “Çernomorets”ə dönüb. O, odessalılarla danışıqları müsbət yekunlaşdırıb.

Qriqorçukun növbəti həftə “Çernomorets”in baş məşqçisi təyin olunması gözlənilir. Ona yeni komandasında Sergey Politilo və Andrey Qluşenko kömək edəcəklər.

Qeyd edək ki, Roman Qriqorçuk 2015-2018-ci illərdə “Qəbələ”yə, 2024-cü ildə isə “Neftçi”yə rəhbərlik edib.