Rza Cəfərov legioner həyatı yaşaya bilər. Artıq bir ildir müxtəlif xarici klublardan təklif aldığı deyilən qapıçı, nəhayət, arzusuna çatmaq üzrədir.

Prosport.Az futbolinfo.az-a istinadən xəbər verir ki, milli komandamızın üzvü bu dəfə Finlandiyadan dəvət alıb. Elita klublarından biri onu icarəyə götürmək, daha sonra birdəfəlik transfer etmək niyyətindədir.

Bu mövsüm “Neftçi”də debüt etməyən qolkiper komandadakı durumundan narazııdır. Ona görə də Cəfərov Finlandyaya getməyə qərar verib. Müştərisi paytaxt təmsilçisini razı sala bilsə, transfer rellaşacaq.

22 yaşlı oyunçunun “Neftçi” ilə 2027-ci ilin yayına kimi müqaviləsi var. Rzanın Finlandiyaya gedişi baş tutmasa, o, “Qəbələ”nin düşərgəsinə yollanacaq. Bölgə təmsilçisi Səlahət Ağayevlə rəqabət aparmaq üçün məhz onu heyətinə qatmağa çalışır.