“Təkliflər barədə konkret məlumatım yoxdur. Bu işlə agentim məşğul olur. Mən isə diqqətimi oyunlara cəmləmişəm".

Prosport.Az xəbər verir ki, bu sözləri Belçikanın “Lyej” klubunda çıxış edən Umar Diuf yerli mətbuata açıqlamasında deyib.

“Qarabağ”ın da transfer etmək istədiyi seneqallı hücumçu haqqında çıxan iddiaları nə təsdiq, nə də təkzib edib: "Müəyyən söz-söhbətlərin olduğunu eşidirəm, amma buna sakit və təzyiqsiz yanaşıram. Ambisiyalarım var, əsas məqsədim inkişaf etmək və hər gün bir addım irəli getməkdir”.

Qeyd edək ki, Beklçika mətbuatında “Qarabağ”ın Umar Diuf üçün “Lyej” klubuna 1,2 milyon avro məbləğində təklif göndərdiyi iddia olunur.