“Neftçi” Ukraynanın “Şaxtyor” (Donetsk) klubunun yarımmüdafiəçisi Dmitri Topalovla maraqlanır.

Prosport.Az xəbər verir ki, Ukrayna mətbuatının məlumatına görə, tərəflər arasında artıq danışıqlar başlayıb. Paytaxt təmsilçisinin 27 yaşlı futbolçuya ilkin olaraq 6 aylıq müqavilə təklif etdiyi bildirilir. 

Qeyd olunur ki, Topalovun oyun performansı gözləntiləri qarşılayarsa, ona 1 illik müqavilə təklif olunacaq.

Məlumata görə, komandanın baş məşqçisi Yuri Vernidub bu transferdə maraqlıdır və rəhbərliyə oyunçu barədə müsbət rəy verib.