Misli Premyer Liqası təmsilçisi "Sabah" mövsümün əvvəlində "Lill"dən icarəyə götürdüyü Aron Maluda ilə bağlı qərarını verib.

Prosport.Az sportinfo.az-a istinadən xəbər verir ki, qəsəbə təmsilçisi 19 yaşlı forvardı birdəfəlik transfer etməyi planlaşdırır.

Komandanın baş məşqçisi Valdas Dambrauskas fransalı oyunçunun çıxışını bəyənir və rəhbərlikdən hücumçunun heyətdə saxlanılmasını tələb edib.

Maluda bu mövsüm "Sabah"ın heyətində meydana çıxdığı 11 rəsmi matçda 2 qol və 1 məhsuldar ötürmə ilə yadda qalıb.

Qeyd edək ki, Aron Maluda fransalı məşhur veteran futbolçu Floran Maludanın oğludur.