Nəriman Axundzadənin "Qarabağ"dan gedişi ertələnib. 

Prosport.Az xəbər verir ki, bu barədə sportinfo.az-a klubdan məlumat verilib.

Bildirilib ki, Qurban Qurbanov 21 yaşlı hücumçunun qış fasiləsində düşərgəni tərk etməsinə icazə verməyib.

Baş məşqçi milli üzvünün ən azı mövsümün sonunadək burada qalmasını istəyib. Və bunu səbəbkarın diqqətinə də çatdırıb.

Təcrübəli mütəxəssis Axundzadənin məsələsinə 2026-cı ilin yayında bir daha qayıtmağın mümkünlüyünü istisna etməyib. Yəni, lənkəranlı forvardın satılıb-satılmayacağına məhz həmin vaxt tamamilə aydınlıq gələcək.

Nərimanla "köhlən atlar" arasında müqavilə 2027-ci ilin yayınadək qüvvədədir. O, son vaxtlar komandanın ən çox tənqidlərə məruz qalan üzvüdür.

Nəriman Axundzadəyə hazırda Avropa və Asiyadan bir neçə təklif var.