Futbol üzrə Azərbaycan I Liqasının son turunun 2 matçında baş verənlər şübhə doğurub.

Prosport.Az futbolinfo.az-a istinadən xəbər verir ki, hətta AFFA bununla bağlı araşdırmaya başlayıb. “Difai” – “Cəbrayıl” (5:2) və “Səbail” – “Şimal” (3:4) görüşləri assosiasiyada da gözlənilməzlik kimi qarşılanıb. Hər iki matçın “7+”lə bitməsi bukmeker kontorlarının yarışa yenidən nüfuz etməsi kimi görünür. Xüsusilə 2-ci qarşılaşmada maraqlı nüanslar çoxdur.

Liqanın ən böyük büdcəli komandalarından olan, Premyer Liqaya vəsiqə uğrunda mübarizə aparan “Səbail”in yarışın aşkar autsayderinə evdə uduzması şübhələrin əsas səbəbidir. 11 tura cəmi 6 qol vuran “Şimal”ın Bayılda 4 dəfə fərqlənməsi, ilk qələbəsini məhz iddialı komandayla səfər görüşündə əldə etməsi diqqətdən yayına bilməz.