2022-ci ilin yayından "Turan Tovuz"un formasını geyinən Veysəl Rzayev cari mövsümün 2-ci hissəsinə burada başlamayacaq.

Prosport.Az sportinfo.az-a istinadən xəbər verir ki, yarımmüdafiəçi gələn ildən "Kəpəz"in formasını geyinəcək. Bu keçid icarə əsasında gerçəkləşəcək.

Tovuz təmsilçisində 7000 manat maaş alan orta sahə oyunçusu növbəti 6 ayda Gəncə komandasının uğurları üçün çalışacaq.

O, burada nisbətən az əməkhaqqı alacaq, ancaq əsas odur ki, meydana ayaq basacaq. "Turan Tovuz"da belə bir imkanı yox idi.

Qurban Berdiyevin yerlilər arasında ən az şans tanıdığı futbolçulardan biri olan Rzayev vaxtının çoxunu ehtiyat skamyanı isitməklə keçirirdi.

Veysəli yayda "Karvan-Yevlax" və "İmişli" də istəyirdi. Sadəcə, maliyyə şərtlərində ortaq məxrəcə gələ bilmədiklərindən, "Turan Tovuz"da qalmağa məcbur oldu.