Azərbaycan millisinin voleybolçusu Polina Rəhimova Yunanıstan Superkubokunun qalibi olub.

Prosport.Az xəbər verir ki, hücumçunun formasını geyindiyi “Panionios” finalda Yunanıstan çempionu “Olimpiakos”la qarşılaşıb.

Gərginliyi ilə yadda qalan oyunda "Panionios" 3:2 (25:22, 23:25, 24:26, 25:19, 15:12) hesablı qələbə qazanıb.

Polina Rəhimova qələbədən sonra fikirlərini bölüşüb: “Final oyunu çox gərgin keçdi, lakin biz qalib gəldik. Rəqibimiz Yunanıstan çempionu “Olimpiakos” idi. Qələbə münasibətilə komandamı təbrik edirəm. Bu mövsüm komandamızın əsas hədəfi iştirak etdiyimiz bütün yarışlarda qalib gəlməkdir. İlk hədəfimizə çatdıq və inanıram ki, bu qələbə növbəti oyunlar üçün bizə əlavə motivasiya verəcək”.