Andrey Demçenko "Araz-Naxçıvan"ın yeni baş məşqçisi olacaq.

Prosport.Az Ukrayna mətbuatına istinadən xəbər verir ki, 49 yaşlı mütəxəssis artıq klubla 2027-ci ilin yayına qədər müqavilə imzalayıb. Ukraynalı çalışdırıcı yanvarın əvvəlində vəzifəsinin icrasına başlayacaq.

Onun məşqçi kimi son iş yeri Qazaxıstanın “Jenis” komandası olub. Demçenkonun rəhbərliyi altında komanda Qazaxıstan çempionatında 6-cı yeri tutub və ölkə kubokunun yarımfinalına yüksəlib.

Mütəxəssis daha çox Ukraynadakı işi ilə tanınır. O, orada “Metallist 1925”i çalışdırıb. Ölkə xaricində isə Özbəkistanda “Obod”u, Gürcüstanda “Dila Qori”ni və “Dinamo"nu (Batumi) çalışdırıb.

Qeyd edək ki, “Araz-Naxçıvan” hazırda 16 turdan sonra 26 xalla turnir cədvəlində 6-cı yerdədir. Naxçıvan komandası növbəti oyununu yanvarın 23-də "İmişli"yə qarşı keçirəcək. Komandaya son olaraq, Elmar Baxşıyev rəhbərlik edib.