Polşanın “Motor” klubunun hücumçusu Renat Dadaşov karyerasını Azərbaycanda davam etdirə bilər.

Prosport.Az xəbər verir ki, bu barədə polşalı insayder Tomek Pluta paylaşım edib.

Onun sözlərinə görə, qış fasiləsində “Motor”dan ayrılacağı dəqiq olan Dadaşovun meneceri onun xidmətini Azərbaycan klublarına təklif edib. 26 yaşlı forvard ilk növbədə “Qarabağ”a təklif olunub.

İnsayderin fikrincə, Renat Premyer Liqamızın digər təmsilçiləri ilə də danışıq aparır: “Vəziyyət fərqlidir, o, cəsarətli oyunçudur. Azərbaycanlı olduğu üçün orada statusu daha yüksəkdir”.

Qeyd edək ki, “Motor” rəhbərliyi Renat Dadaşovu transferə çıxarıb.