Aralarında Naxçıvan Futbol Federasiyasının prezidenti Zaur Axundova məxsus “Səmayə Co LTD” MMC də olan bir neçə şirkət barəsində məhkəmə işi açılıb.

Prosport.Az xəbər verir ki, məsələ ilə bağlı artıq 17 nəfər saxlanılıb.

Bu barədə APA məlumat yayıb. Baş prokuror yanında Korrupsiyaya qarşı Mübarizə Baş İdarəsində ibtidai istintaqı davam etdirilən digər cinayət işi üzrə qaçaqmalçılıq və digər cinayət əməllərinin törədilməsində iştirak etmiş “RR Caspi”, “Səmayə Co”, “Səmayə Logistic” və digər Məhdud Məsuliyyətli Cəmiyyətlərin, eləcə də Dövlət Sərhəd Xidmətinin vəzifəli şəxslərinin də qanunsuz fəaliyyəti ifşa edilib.

Xatırladaq ki, bir müddət əvvəl Zaur Axundova məxsus şirkət ölkədə siqaret qaçaqmalçılığı ilə bağlı cinayət işi üzrə təqsirli bilinmişdi. Axundov həm də Premyer Liqada mübarizə aparan “Araz-Naxçıvan” klubunun qeyri-rəsmi rəhbəridir.