“Qarabağ” çox böyük klubdur. Azərbaycan xalqı isə son dərəcə səmimi və inanılmaz dərəcədə qonaqpərvərdir".

Prosport.Az xəbər verir ki, bu sözləri “Qarabağ"ın sabiq qapıçısı Asmir Beqoviç xarici mətbuata müsahibəsində deyib.

2019/2020 mövsümündə Ağdam klubunun formasını geyinən 38 yaşlı bosniyalı qolkiper Azərbaycanla bağlı xoş xatirələrini bölüşüb: "Bakı həqiqətən möhtəşəm şəhərdir. "Qarabağ”a keçdim və 3 ay ərzində orada çıxış etdim. Transfer pəncərəsinin son günündə — sentyabrın 1-i və ya 2-də müqavilə imzaladığım üçün Bakıda 3,5 ay oldum. Yanvar ayınadək komandada qaldım, qış fasiləsi isə dekabrın ortalarına təsadüf edirdi. Bu müddətdə Avropa Liqasında oyunlarda iştirak etdim və Bakıda yaşadım".

Qeyd edək ki, Asmir Beqoviç 2015-2017-ci illərdə "Çelsi"dəki çıxışı ilə tanınır. O, Ağdam təmsilçisində 10 rəsmi görüşdə meydana çıxıb. Bosniya və Herseqovina yığmasının sabiq qapıçısı karyerası ərzində İngiltərədə "Stok Siti", "Bornmut", "Everton", "Kuins Park Reyncers", İtaliyada isə "Milan" kimi klubların şərəfini qoruyub. O, hazırda Çempionşipdə mübarizə aparan "Lester"in uğurları üçün çalışır.