“Neftçi”nin sabiq futbolçusu Gilyerme Pato növbəti dəfə komandasını dəyişib.

Prosport.Az Braziliya mətbuatına istinadən xəbər verir ki, hücumçu 24 yaşında 7-ci klubu ilə müqavilə imzalayıb.

Pato karyerasını ölkəsi Braziliyada davam etdirəcək. O, “Atletiko Mineyro”dan B Seriyasının digər təmsilçisi CRB-yə keçib. Bununla CRB Patonun 7-ci komandası olub.

Futbolçu ölkəsindən kənarda yalnız “Neftçi”nin formasını geyinib. Braziliyanın gənclər millisinin sabiq üzvü 2022-ci ildə Bakı klubunda çıxış edib.