"Araz-Naxçıvan"ın baş məşqçisi Elmar Baxşıyev Misli Premyer Liqasının XVI turunun "Şamaxı" (2:0) ilə görüşündən sonra mətbuat konfransında iştirak edib.

Prosport.Az xəbər verir ki, mütəxəssis komandasının qalibiyyəti haqda bunları deyib:

"Ağır oyun alındı. Meydançada yaxşı mübarizənin şahidi olduq. "Şamaxı" da yaxşı, mobil komandadır. Bu gün futbol adına yaxşı oyuna şahidlik etdik. Komandamı qələbə münasibətilə təbrik edirəm. Əzmkar qələbə qazandıq. Ümid edirəm ki, komanda şəklində yeni ildə daha yaxşısını, daha artığını etməyə çalışacağıq".