"Bu, heç vaxt unudulmayacaq qələbələrdən biri oldu".

Prosport.Az xəbər verir ki, bu sözləri "Sabah"ın braziliyalı müdafiəçisi İqor Noqeyra ölkəsinin mətbuatına açıqlamasında deyib.

Futbolçu Misli Premyer Liqasının I turundan təxirə salınmış oyunda "Qarabağ"a üzərində 2:1 hesablı qələbəni şərh edib: "Bilirik ki, "Qarabağ"a qarşı oynamaq həmişə çətindir. Çünki ölkənin ən titullu klubudur, böyük turnirlərdə oynamağa öyrəşib. Ona görə də, demək olar ki, mükəmməl bir oyun oynamalı olduğumuzu yaxşı anlayırdıq. İlk qolu buraxmağımıza baxmayaraq, konsentrasiyamızı qoruyub-saxlaya bildik və 2-ci hissədə vəziyyəti dəyişmək əzmində meydana çıxdıq. Azarkeşlərimizin dəstəyi böyük rol oynadı, biz bunu hiss edirdik və bu, 3 xal uğrunda mübarizə aparmağımıza kömək oldu".

"Sambaçı"nın sözlərinə görə, bu qələbə "Sabah"ı çempionatın zirvəsinə qaldırıb və bu da klubun gözəl layihəsində daha bir addım olub: "Ötən mövsümdən bəri buradayam və klubun səylərini görürəm. Ötən mövsüm ölkə kubokunu qazandıq və bu, ilk addım idi. Adımı klubun tarixinə yazdırmaq çox xoşdur və bu, çoxlu zəhmətin nəticəsidir. Hazırda liqada liderliyimizi davam etdiririk, amma mövqeyimizi qorumaq və eyni ruhda davam etmək üçün ikiqat çox çalışmalı olduğumuzu başa düşürük. Hər matça final kimi yanaşırıq və bu cür də davam edəcəyik".