Qış fasiləsi öncəsi Premyer Liqa klubları bəd xəbər alıb.

Prosport.Az sportinfo.az-a istinadən xəbər verir ki, elitanın bir neçə klubunun məşqlərini etmək üçün üz tutduğu Bakı Olimpiya Stadionunun ehtiyat meydançaları onların üzünə bağlanıb. Məhdudiyyətin nə vaxta qədər olacağı qeyri-müəyyəndir.

Amma dəqiq olan odur ki, qış təlim-məşq toplanışını burada keçməyi planlaşdıran Premyer Liqa təmsilçilərinə bunun mümkün olmayacağı barədə məlumat verilib.

Xatırladaq ki, adıçəkilən idman qurğusundan Birinci Liqa klubları da zaman-zaman faydalanırdı. Yaranmış durum onları da çətin vəziyyətə salıb.