“Araz-Naxçıvan”ın hücumçusu Ba-Muaka Simakala ilə maraqlanan Ukrayna klublarının adlarına aydınlıq gəlib.

Prosport.Az yerli mətbuata istinadən xəbər verir ki, Premyer Liqa təmsilçiləri almaniyalı forvardı heyətinə qatmağı hədəfləyir. Bunlar isə çempionatın ortababları sayılan “Kolos”, “Rux” və “Obolon”dur. Adıçəkilən komandalar hücum xəttində yaranmış problemi qış fasiləsində məhz Simakalanın keçidi sayəsində yoluna qoymaq niyyətindədirlər.

Lakin “Araz-Naxçıvan” rəhbərliyi aparıcı oyunçusunun mövsümün gedişində ayrılmasına qarşıdır. Klub hətta 28 yaşlı hücumçuya yeni 1 illik müqavilə də təklif edib. Simakala həmçinin Azərbaycan klublarının da diqqət mərkəzindədir.

Qeyd edək ki, “Araz-Naxçıvan”a yayda Almaniyanın “Osnabrük” klubundan keçən Ba-Muaka Simakalanın müqavilə müddəti mövsümün sonuna qədərdir.