Qonsalo Qarsiya Bundesliqada oynaya blər. “Real”ın gənc hücumçusuna Almaniyadan iki təklif var.

Prosport.Az xəbər verir ki, madridlilər 21 yaşlı yetirməsini satmaq niyyətində deyil. Amma oyun təcrübəsi qazanmaı üçün onun birmüddət başqa klublarda icarədə çıxış etməsi mümkündür. Alman klubları da bu fürsətdən yararlanmaq niyyətindədir.

“Sky Sport”un yazdığına görə, 2030-cu ilin yayınadək müqaviləsi olan forvarda “Ştutqart” və “Ayntraxt” maraq göstərir. Keçiddə ən çox səy göstərən isə frankfurtlulardır. “Qarabağ”ın Çempionlar Liqasında növbəti rəqibi olan “Ayntraxt” hücum xəttindəki problemi Qonsalo sayəsində həll etməyə çalışır. Keçid baş tutsa, Qarsiyanı Bakıda görə biləcəyik.