Albaniya çempionatında XVI turun oyunları keçirilib.

Prosport.Az xəbər verir ki, Azərbaycan milli komandasının müdafiəçisi Zamiq Əliyevin çıxış etdiyi “Eqnatiya” səfərdə Tirana “Dinamo”su ilə qarşılaşıb.  Həmyerlimiz start heyətdə meydana çıxıb və sona qədər oynayıb. Görüş “Eqnatiya”nın 2:1 hesablı qələbəsi ilə başa çatıb.

Bu qələbə sayəsində xallarının sayını 31-ə çatdıran “Eqnatiya” turnir cədvəlinin 2-ci pilləsində yerini möhkəmləndirib. Komanda lider “Elbasani”dən cəmi 1 xal geri qalır.