Şəmkir Olimpiya Kompleksinin stadionunda oğurluq hadisəsi baş verib.

Prosport.Az sportinfo.az-a istinadən xəbər verir ki, arenadan böyük miqdarda elektrik naqilləri oğurlanıb.

Gecə saatlarında yaşanan olay "Şəmkir"in ev oyunlarını keçirdiyi məkanın işıqlandırma sistemini yararsız hala salıb. Çünki stadionda quraşdırılmış projektorların kabelləri də oradan daşınıb.

Çox qəribədir ki, qarətçilər "iş" görən zaman futbolçular kompleksin ərazisindəki katejlərdə olsalar da, heç kim onların üzünü görməyib.

Hadisədən bir qədər öncə ərazinin işıqları söndüyündən, oyunçular qaldıqları yerdən bayıra çıxmayıblar.

Baxmayaraq ki, stadiondan gələn səs-küyü eşidərək yuxudan oyananlar olub.