Elmar Baxşıyev mövsümün ikinci hssəsində “Araz-Naxçıvan”ın baş məşqçisi olmayacaq. Klub rəhbərliyi onunla yolların ayrılacağını özünə çatdırıb.

Prosport.Az futbolinfo.az-a istinadən xəbər verir ki, klubun qeyri-rəsmi idman direktoru olan menecer Seyhun Sultanov Baxşıyevlə vidaya nail olub. Elmar bəylə münasibəti soyuq olan, onun istefası üçün aylardır çalışan Sultanov, nəhayət, planını reallaşdırıb. Artıq onu əvəz edəcək məşqçi də bəllidir. Ceyhun bəy adı gizli saxlanan əcnəbi çalışdırıcı ilə razılığa gəlib.

Çempionatın 2025-ci ilə düşən hissəsində – bu həftə “Qarabağ”la, növbəti tur isə “Şamaxı” ilə matçda naxçıvanlılara Baxşıyev rəhbərlik edəcək. Qış fasiləsində isə onun istefası açıqlanacaq.

Lakin “Araz-Naxçıvan”da da “Karvan-Yevlax”da gedən proseslər təkrarlanır. Bu komanda da baş məşqçi ilə normal vidalaşa bilmir. Naxçıvanlılar Elmar bəyi vaxtından əvvəl yola salmaq istəsə də, bunu onun öz razılığı ilə etmək, anlaşmada nəzərdə tutulan maaşı verməmək niyyətindədir. Baxşıyev isə özü istefaya getmək niyyətində deyil, işdən çıxarılacağı halda təzminat tələb edəcək.

Klub rəhbərliyinə yaxın olan köməkçi-məşqçi Əfran İsmayılova Baxşıyevi yola gətirmək tapşırılıb. O, baş məşqçinin kiçik məbləğ alması şərti ilə müqaviləyə qarşılıqlı razılıqla xtam verməsinə nail olmalıdır.